Svoo fallegt

Laugardagsmorgun. Sólin skín, ekki skýhnoðri á himni, fljótið er spegilslétt og veröldin er dásamleg. Keyrði niður á Reyðarfjörð í gær í álíka yndislegu veðri og sá hreindýraflokk á beit alveg við veginn. Þetta er eitt af undrum Austurlands. Já - Reyðarfjörður alveg unaðsfagur um þessar mundir. Gríðarlega státnir og fallegir túlipanar um allan bæ og torgið verulega fallegt. Af hverju er maður aldrei með myndavél!
Ég heimsæki höfuðborgina í vikunni. Kem síðdegis 17. júní og fer aftur á föstudag, þarf að fara á fundi. Fínt að skreppa suður. Gallinn er sá að bróðir minn ástkær verður hér á ferðinni á fimmudaginn og ég verð ekki hér að taka á móti honum.

bóklestur

Fékk lánaða bók eftir Kennedy um skjalastjórn sem ég dundaði mér við að lesa um helgina - ekkert mjög skemmtileg en gagnleg. Til að slaka spíttist ég í gegnum Blátt tungl eftir Árna Þórarinsson. Furðulegt - en ég hafði ekki lesið hana áður. Hún kom reyndar út árið sem ég var í Danmörku, það er trúlega ástæðan fyrir því að ég missti af henni. Frábært að finna nýja gamla glæpareyfara. Svo hef ég verið að lesa Neither Here Nor There eftir Bill Bryson. Fantaskemmtileg frásögn af upprifjunarferð hans um Evrópu.

allar einkunnir komnar

Fékk síðustu einkunnina í dag - fékk 9 í lokaverkefninu í Lyklun sem varð til að ég endaði með 8,5. Ég er alveg ofboðslega ánægð - en ég er þarf greinilega að taka mig á í því hvernig ég vísa í heimildir. Það ætti að vera auðvelt að bæta en ég klúðraði því samt. Kate náði í verkefnið mitt skannaði og sendi mér - Takk - takk Kate súpersnillingur og dúx :).

grobbin

Var hryllilega þreytt - vaknaði klukkan 5 í morgun af tómu stressi held ég. Tókst ekki að leggja mig þegar ég kom heim. En núna rétt í þessu þegar ég var að kíkja á síðuna mína hjá HÍ fyrir svefninn, sá ég að það voru komnar einkunnir í Upplýsingaleiðum og Vefstjórn - 9 í því fyrra og 8 í því síðara. Fékk algjört adrenalínkikk. Rosalega ánægð - sérstaklega með þá fyrri. :-). Hugsa samt með samúð til K... sem þarf að bíða eftir einkunninni því einhver týndi síðasta vefverkefninu hennar. Hvernig er svoleiðis hægt?

Nýja vinnan

Vaknaði óvart klukkan 5.30 í morgun - vekjaraklukkan var stillt á 6. Tók rútuna klukkan 7 í næsta sveitarfélag og byrjaði í nýju vinnunni fyrir allar aldir. Líst vel á vinnufélagana en verkefnið verður ærið.

fann nýjan glæpahöfund

Datt yfir nýjan höfund á bóksafninu, hún heitir Karin Slaughter. Mæli með henni - en fann bara tvær bækur á safninu. Hún hefur skrifað miklu fleiri og sú nýjasta er til í Samkaup. Tókst að halda vísakortinu kjurru í veskinu - en það var erfitt.

Hafraklíðsmúffur

2 ¼ bolli hafraklíð (ég nota líka haframjöl)
1 msk lyftiduft
¼ bolli sykur eða hlynsíróp
2 msk saxaðar möndlur
handfylli af rúsínum eða bláberjum
¼ bolli kókósmjöl (má sleppa)
1 ¼ bolli undanrenna
hvítur úr 2 eggjum eða einu stóru (ég nota tvö heil egg)
2 stórir vel þroskaðir bananar
Þurrefnum blandað saman
Mauka önnur efni í matvinnsluvél og blanda saman við þurrefnin
Setja í muffinsform með plássi til að hefast
Ef bláber eru notuð þá strá þeim yfir
Bakað við 200ºC í um það bil 15 mínútur.
Kæla - setja í poka og frysta.
Í uppskrift stendur - hita í örbylgjuofni á hæsta í 30 sek. - ég læt þær bara þiðna á eldhúsborðinu.
Uppskrift út bókinni Einfaldaðu líf þitt : 100 leiðir til að draga úr streitu og njóta þess sem raunverulega skiptir máli eftir Elaine St. James. Búin að baka svona tvisvar og þær klikka ekki.

rigning

Hélt ég yrði fúl og svekkt þegar sólin færi - en - en - þessi rigning er voða pen, það er logn og allt hefur snargrænkað á þessum 2 rigningardögum.
Rukolan mín er voða roggin og ertublómin sem Bjössi pantaði eru orðin 10 sm og komin úr vermikössunum.
Það kom maður í gær með mælitæki og teiknaði punkta fyrir húsið á lóðinni. Það verður byrjað að slá upp í vikunni. Allt að gerast.

skjálftinn

Ægilega er ég fegin að vera á Austurlandi núna. Mér er illa við jarðskjálfta. Reynar missti ég líka af 17. júlí skjálftanum en þótti seinni skjálfinn þá óþægilegur. Vona bara að allt sé í lagi hjá mínu fólki á Selfossi. En gleðifréttir dagsins er að ég eigaðist nýja fína frænku í dag. Gréta fékk enn eitt barnabarnið:)

Meira blíðviðri

Þar sem við Sjöfn létum fara vel um okkur í fína nýja rólusófanum hennar veltum við fyrir okkur hvernig í ósköpunum fólki tækist að vinna handtak þar sem er 30 stiga hiti eða meira. Við vorum firnalatar og bara 20 hér. Annars hjólaði ég yfir til hennar í Fellabæinn og þótti það bara nokkuð gott. Byrja að vinna á morgun og undirbúa mig undir skjalaverkefni sumarsins - megaspennadi - túristar blásnir af og bara skjöl framundan ...

Egilsstaðablíðviðri

Meiriháttar dásamlegt veður hér eystra. Við fórum í labbitúr - reyndar tvo - fyrst fórum við í smá skógargöngu og svo ákváðum við að labba upp á Fardagafossi en það er eitt af því sem helsti Egilsstaðasérfræðingur minn Inga Rósa segir að maður verði að gera reglulega. Og það var alveg yndislegur göngutúr. Ekki sála á ferðinni þarna bara fótspor í stígnum sem var orðin dálítið illa farinn.

dokar og áldýr

Keyrðum niðrá Reyðarfjörð í gær. Rúntuðum smá um og ég sá áldýrin - svo nú er ég bæði búin að sjá hreindýr og áldýr. Nei í alvöru mér þykir mjög sérstakt að sjá hreindýr tvisvar í sömu vikunni svona rétt hjá mér. Ég hef einhverntíman áður séð þau eins og punkta í fjarlægð - en aldrei svona í návígi. Við hittum vinnufélaga mannsins og díluðum við hann og keyptum af honum doka ... Það eru svona spítur sem maður notar til að byggja hús. Fengum lánaða kerru hlóðum á hana um 50 dokum og ókum með feng okkar heim. Losuðum svo af kerrunni þegar heim var komið. Ég var þreytt eftir átökin en agalega grobbin - er ekki með neinar harðsperrur í dag.
Las fyrir helgi bókina um Margréti Frímannsdóttur, Stelpa frá Stokkseyri. Skemmtileg bók, gott að lesa hana, fín samtímasaga og gaman að sjá hvernig kaupin gerast á eyrinni í pólitíkinni. Það eina sem fór í taugarnar á mér - fyndinn íslenskufasismi -er að Þórunn Hrefna sem skráir - og gerir það vel - skrifar ráðuneytin með stórum staf. Þa særir mína fornu textavarpssál.

í 7. himni

Á sunnudagssíðdegi fyllti ég bílinn minn af því nauðsynlegasta. Keyrði austur fyrir Selfoss og tók hús á Kötu vinkonu minni. Sat þar um kvöldið í góðu yfirlæti og svaf alveg dásamlega í friðsældinni í sumarbústaðnum hennar. Lagði svo af stað í ferðina löngu klukkan 7.30. Stoppaði klukkan 9 í Vík í Mýrdal, stoppaði aðeins á Kirkjubæjarklaustri, stoppaði aðeins lengur í Nesjum í hádeginu og tók bensín. Þar var ég líka á síðustu dropunum. Sá svo einhver dýr - ég held í Hvalnesskriðum, og fór að pæla - eru þetta kindur á veginum - nei þau voru of stór. En þegar nær dró sá ég að þetta voru fimm hreindýr! Alveg við veginn. Náði þremur á símamyndavélina. Sá svo hóp af velhyrndum dýrum seinna en þau voru langt frá veginum. Kom heim á Egilsstaði fyrir klukkan 16 og var gríðarlega ánægð með ferðina. Fínt að keyra - lítil umferð og allt bara flott. Fékk svo verðlaun frá bóndanum - Olympus upptökutæki - alveg eins og ég óskaði mér. :-). Verður ekkert að vanbúnaði í eigindlegum í haust.

point of no return

Búin að setja síðasta punkt - prenta og allt - vantar tvær kommur en s...
Á leið niðrí HÍ núna með tvö verkefni. :):):)

endaspretturinn

Vantar bara örfá lokaorð á vefskýrsluna mína. Ég tók og greindi mitt gamla uppáhaldsfélag Útivist. Var bara nokkuð ánægð með vefinn þeirra en benti samt gáfulega (hm) á ýmislegt sem betur mætti fara. Nú ætla ég að sofa eins og grjót í nótt. Skrifa lokaorð í fyrramálið, búa til forsíðu og annað skemmtilegt og skila henni um hádegi. Svo ætla ég bara dingla mér það sem eftir lifir dags. Sama þó rykmaurarnir seu orðnir óðir hér heima. Þeir mega sko skemmta sér smástund í viðbót.

Ein ég sit og sauma ... eða eitthvað

Búin að sitja hér heima og reyna að vinna við vefverkefnið - finn alltaf betur og betur hvað ég er mikil félagsvera og á erfitt með að vera ein heima í lengri tíma. Hélt ég væri á góðri leið með að borða upp allt sem væri til í íbúðinni en samkvæmt þessari könnun ætti ég að geta lifað lengi án þess að fara út. Ég held þeir hljóti að gera ráð fyrir að það sé mikið góðu vatni aðgengilegu. Það er kannski andstyggilegt að gera svona test þegar maður veit af fullt af fólki innilokuðu í rústum í Kína. Jæja en samt - hér kemur prófið.
Created by OnePlusYou - Free Online Dating

Eitt verkefni frá

Píndi besta prófarkarlesarann til að lesa yfir upplýsingaleiðaverkefnið. Ég held ég hafi aldrei fengið eins margar athugasemdir ... Sendi það af stað 3 mínútur fyrir miðnætti. Hrikalega happy, fyndið þó mér þyki verkefnið mesta moð þá er bara svo gott að vera laus við það. Vona bara að ég hafi verið að svara því sem ég átti að svara. Í fyrramálið stekk ég á næsta verkefni. Hef 2 daga í það.

gaaAAARRG

Fann hérna svona afskaplega huggulega mynd sem sýnir vel hvernig ég hef það þessa dagana. Myndin er því miður þrælstolin og ég hef ekki hugmynd um hvort það sé höfundaréttur á henni. Veit að samnemendur mínir eru álíka frústreraðir - nema Ólöf -sem skilaði verkefninu sinu á föstudaginn. Svo flink :)

kvöldtuð

Sit hér hundpirruð yfir Google Scolar og reyni að gera skýrslu 2 í rafrænu gagnasöfnunum. Held ég gefist upp í kvöld og helli mér í þetta í fyrramálið. Ég verð að klára þetta verkefni um helgina svo ég hafi einhvern tíma fyrir vefverkefnið. Þar fíla ég mig sko út á túni.
Fékk einkunn fyrir síðasta verkefni þeim rafrænu í dag - rosalega ánægð - við fengum 9. :-). Það er gott að vinna með góðu fólki.
Lagði lokahönd á lyklunarverkefnið í dag. Heftaði og setti í plast. Ætla ekki að líta á það meir. ... held ég.
Svo er ég, Kópavogsbúinn, alveg rosalega stolt af mínu fólki i Útsvari í kvöld. Snilld að vinna Reykvíkinga með einu stigi.

lyklunin búin - kannski

Kláraði lyklunina í kvöld - held ég. Búin að setja á heimildarlista, efnisyfirlit og búa til forsíðu. Nú þarf ég bara að ná mér í grimman prófarkarlesara ...
Svo er það bara að stökkva á næsta verkefni í fyrramálið. Fersk og útsofin. Það er gaman á vorin hjá námsfólki - ekki satt?

mannætur og henda mat

Fékk áfall þegar mér varð á að hlusta á Kastljósið og heyrði hvað við hendum rosalega miklu - mat og allavegana dóti. Veit upp á mig skömmina. Ég henti nefnlega í dag. Björninn er hrifin af smurosti og við keyptum svoleiðis þegar hann kom síðast. En en þegar ég ætlað að smurja brauðið með þessu í dag þá fattaði ég að það er MJÖG langt síðan hann var á ferðinni. En rakst á þetta á bloggi áðan og varð að athuga hvað ég gæti fóðrað marga ...
Created by OnePlusYou

verkefni og walker

Tók smá pásu frá lykluninni í dag og kíkti á verkefnið í Upplýsingaleiðum. Byrjaði á fyrstu skýrslunni sem átti að vera 1000 orð og mér fannst ég vera búin að gera þokkalega skýrslu eftir 500 orð! Hm - vantar greinilega eitthvað. Svo fór ég á fyrirlestur um jarðfræðinginn Walker í Öskju, það er verið undirbúa minjasafn um hann á Breiðdalsvík, það á að opna í ágúst. Hjörleifur Guttormsson flutti fínan fyrirlestur og sýndi myndir. Er hrædd um að ég verði miklu lengur á leiðnni austur en ég áætlaði því ég kem til með að þurfa að stoppa og skoða svona jarðfræðifyrirbæri sem hann benti á.

Til hamingju með daginn

Fyrsti maí og ég fór í staðinn fyrir að fara í kröfugöngu í fyrsta hjólatúr vorsins. Þurfti að sinna erindi niður í Ármúla og ákvað að það væri fínt að hjóla. Pumpaði í dekkin, smurði keðjuna, fann fram hjálminn og hjólahanskana og æddi af stað. Dásamlegt veður og sáralítil umferð. Kom svo tilbaka eftir Fossvogdalnum. Hann var fullur af hlaupurum og hjólafólki og fólki að viðra sig og hundana sína. Sá hóp af ungum bleikklæddum stelpum sem voru í lautarferð í dalnum - með bleika sólhlíf. Sá líka fyrstu lóur vorsins - var búin að heyra í þeim en ekki sjá fyrr. Dalurinn er dásamlegur, mikið má þakka fyrir þá blessun að borgar- og bæjaryfirvöldum tókst ekki að skemma hann.

1. maí

Lifði af prófið í gær. Við Kate fórum og fengum okkur snarl niðrí bæ eftir prófið - hinar stelpurnar voru allar stungnar af. Fattaði ekki að það væri frídagur í dag - og það meira að segja tvöfaldur. Alveg er það alveg undarlegt hvað maður dettur úr tengslum við raunveruleikann í próftörnum. Held ekki ég fari í 1.maí göngu þó það væri alveg full ástæða til þess núna - trúi því ég einbeiti mér bara að því að lykla Ársrit Útivistar ...

Sjónvarp og próflestur

Ég sjónvapslausa konan laumaðist undan lestri í kvöld og horfði á Ný Evrópa með augum Palins eða Michael Palin's New Europe: Austrænt yndi. Snilldar þáttur - lá við að maður finndi lyktina líka. Dauðsé eftir að hafa misst af fyrsta þættinum. Hann var víst um Albaníu. Þangað kom ég fyrir margt löngu, gríðarlega fallegt land og elskulegt fólk. Svo fékk ég besta ís heimsins í Elbasan. Já annars svo hefur mér líka tekist að lesa Nornina í Portobello eftir Paulo Coelho. (ég er samt búin að læra líka!) Það skemmir mann ekkert að lesa þessa bók - og endirinn kom á óvart.

úff

Það er svo gaman að föndra þegar maður á að vera að læra ... betra að gera allt annað en það sem maður á að vera að gera. Hvenær skildi maður eiginlega fullorðnast.

ævintýri

Lenti aldeilis í ævintýrum í gær. Fór í strætó vestur í Háskóla. Á gatnamótum Miklubrautar og Háaleitisbrautar hafði löggan lokað Miklubrautinni en sleppti samt stætó áfram þannig að við lentum í að bíða þar í eilífðartíma (fannst mér) á meðan löggan samdi við krakkahóp sem stoppaði umferð við Kringlumýrarbrautina um að hleypa okkur framhjá. Komst vestureftir og náði síðasta bitanum af aðalfundi B&U og svo fórum við í rútu upp í VR þar sem krakkaskríll stoppaði rútuna. Ein stelpanna fór út að reyna að semja við krakkana svo þau skemmdu ekki rútuna en það fór ekki betur en svo að hún lenti í ryskingum. Löggan kom og lét þá (þetta voru bara strákar) hleypa okkur framhjá en þeir eltu okkur inn í húsið - veit ekki alveg hvað þeir voru að hugsa. En voru samt svolítið fyndnir. Vissu ekki alveg hverju þeir voru að mótmæla - ég trúi best þessu með bíóverðið! Það var vel tekið á móti okkur í VR og við frædd um rafræna skjalastjórn. Svo fórum við í Kópavog og spiluðum Lazertag - svakalega skemmtilegt - og ein besta brennsla sem ég hef farið í. Það bogaði af manni svitinn. Ég væri sko alveg til í að fara þarna oftar. Ferðin endaði á Tapas niður í Hlaðvarpa. Fengum góðan mat. Mér þótti beikonvöfuðu döðlunar bestar - og svo náttúrlega ábætisrétturinn :-). Frábær dagur í alla staði þó ég hefði viljað sleppa að sjá múgæsinguna í krakkahjörðinni.

Afleggjarinn

Í kæruleysi mínu í gærkvöldi byrjaði ég að lesa bókina Afleggjarinn eftir Auði A. Ólafsdóttur. Kláraði hana í morgun. Yndisleg bók. Mæli með henni.

Gleðilegt sumar

Gleðilegt sumar dúllurnar mínar. Dagurinn byrjaði ósköp vel með fögrum fyrirheitum og lestri - fór í gönguferð um hádegi og ætlaði svo að halda áfram að vera dugleg að læra en lagði þá í leti og ómennsku. Suss. Er mikið búin að pæla í lögregluofbeldi og vörubílsstjórum. Fór í gær að þvo Litla Rauð og varð skelfingu lostin þegar tveir risabílar, annar með moldarhlass æddu framhjá mér upp rampinn upp á Breiðholtsbrautina. Ég var á 70 (það er 50 km hámarkshraði þarna) hélt hann ætlaði að keyra yfir mig. En þeir voru náttúrlega á leið til að aðstoða félaga sína í nauðum. Þessi læti minna mig á Osló á árum áður. Þá voru árviss slagsmál niðri í bæ nóttina fyrir 1. maí. Táragas og læti. Og virðulegt fólk kom með fjölskylduna í bæinn að horfa á lætin og varð fúlt ef það varð ekki nógu mikið stuð eða það varð fyrir einhverju hnjaski.

vefsíðan flogin

Búin að senda vefsíðuna frá mér - má ekki vera að því að leika með mér hana lengur. Búin að skrifa skýrsluna líka. Skila henni um leið og ég fer í skráningarprófið á morgun. Þá er allavega tvennt frá af verkefnaflóði vorsins. Ætlaði að klára vefinn í gær og byrja að kíkja á næstu verkefni í dag. Held það verði þó að bíða til morguns og lykluninn lendi á undan rafrænu gagnasöfnunum í forgangsröðuninni. Já úps - svo verður víst að lesa fyrir prófið sem verður eftir viku. .... Mér leiðist ekki allavega. :)

Vefkvein

Búin að sitja allan daginn og dunda við litla vefófétið - ætlaði svo að setja inn mynd til gamans - og hvað gerðist - blahhh - get heldur ekki lagað. Þetta er nú ekki einleikið. Mig dreymdi í nótt ég félli í dönsku. - Varð frekar undrandi. Vissi ekki að ég væri í dönsku og þar að auki fannst mér undarlegt (meira að segja í draumnum) að ég hefði fallið í DÖNSKU. Kom on. Ætli þetta þýði að ég falli í vefstjórninni?
Trúi því ekki heldur en mér er farið að þykja þetta verkefni taka of mikinn tíma frá öðrum fögum. (En þetta er samt gaman).

Meira vefsukk

Kate sýndi mér í dag hvernig ég á að búa til rosafína flipa - bjó þá til og þeir eru flottir. En ... svo þegar ég fór að sannreyna síðurnar þá voru allar í klessu. Er búin að laga þetta en hliðarlínurnar eru týndar á tveim síðum - og IE á stóru tölvunni er eins og sá ljóti hafi hrært í síðunum. Bara skil þetta ekki. Leit vel út niðri í skóla í dag og líka í fartölvunni. Má ekki vera að hugsa um neitt annað í náminu - þetta er gríðarlega tímafrek handavinna.

Vefsíðugerð

Að hamast við að búa til vefsíðu með html og css - og þarf að staðreyna þær hægri vinstri. Var búin að búa til voða fína síðu - kóðinn í lagi og virkaði vel í þrem vöfrum á fartölvunni. Svo þegar ég kíkti hana á fullorðnum skjá í Internet Explorer fór hún alveg út og suður. Ég bugast - hætt í kvöld. En suss - fattaði það allt í einu að klukkan er 9 og ég gleymdi að borða kvöldmat. Þetta hlýtur að hafa verið gaman.

Nýr tölvuskjár

Sit núna gríðarlega roggin fyrir framan 17 tommu kýrskíran túbuskjá. Liggur við ég fái víðáttubrjálæði. Yndislegir vinir mínir voru með einn sem þau þurftu ekki að nota og ég fékk hann. En mikið rosalega eru svona fyrirbæri þung!

tæknin að stríða

Gamli tölvuskjárinn gaf upp andann í dag. Ekki gott því það var ritgerð í tölvunni sem ég kunni ekki að veiða út án skjásins. Hélt ég hefði verið búin að senda ritgerðina frá mér - en hafði gleymt að hengja hana við ! Stundum er maður bara óheppinn. Þurfti að taka gamla útgáfu og vinna upp á nýtt. Kannski hún hafi bara orðið betri :) En - núna vantar mig nýjan skjá - á einhver gamlan nothæfan tölvuskjá???

Gamalt sjónvarpsgrín

ARG - mikið viðbjóðslega getur Hjálmar Hjálmarsson verið hryllilega leiðinlegur. Eins og var gaman að horfa á gömlu sketsin. Þau voru náttúlega misfyndin en sum voru algjör snilld. Vil fá meira af gömlu sjónvarpsgríni - Hjálmarslausu - nema hann má sjást í gömlum upptökum. En hvernig var það, var það ekki 1986 áramótaskaupið sem var fyndnast?

gleðigjafi um páska - eða páskaungi?

Þetta er Fóa feykiróa sem er páskagestur hér í Trönuhjallanum meðan þjónar hennar brugðu sér vestur á firði. Ætlaði að taka alvöru mynd af henni em álfarnir hafa greinilega fengið myndavélina lánaða - svo þetta er símamynd og ekki góð. Fóa feykiróa er búin að vera hérna í næstum tvo sólarhringa og er sannur gleðigjafi. Syngur og blístrar glaðlega. Gargar reyndar smá - ef það koma gestir - og tekur stundum smá flugæfingar í búrinu. Ótrúlega mikill félagsskapur í svona fyrirbæri - ég á miklu auðveldara með að halda mig að verkefnavinnu fyrir bragðið. Hefði örugglega látið freistast af góða veðrinu og farið út að hjóla hefði ég verið hér alein og frústreruð yfir vefverkefninu. Búin að taka viðtölin - á bara eftir að smíða þetta í 3.500 orða ritgerð. Hlustaði á Spurningakeppni fjölmiðlanna í dag. Stolt af mínu fólki á RÚV - þó það sé orðið RÚV ohf. þá er það samt alltaf mitt.

Heiðin í bíó

Fékk tilbaka vefverkefnið í dag. Þokkalega ánægð með einkunina - var ekkert nærri falli. Vissi ekkert hvað ég var að gera svo ég tel mig hafa sloppið vel. Nú þarf ég bara að kíkja vel á og reyna að skilja hvað ég á að gera öðruvísi. Krónan virðist í frjálsu falli og hlutabréfin rýrna - ekki gott fyrir mig í dag því ég var að selja til að borga hluta í lóðinni þarna fyrir austan. - En allavega á ég núna einhverja landsspildu og það er nú ekki slæmt :). Ég dró Kate með mér á Heiðina í Háskólabíó klukkan 18. Lúmskur og flottur húmor í myndinni. Myndatakan og landslagið frábært og leikararnir fínir. En Einar - hvernig fóru kosningarnar?

bækur og matur

Skilaði ritgerð í gær og fékk tilbaka verkefni í Lyklun - fékk 8,5 og er bara vel sátt við það. Kom við í 10-11 á leiðinni heim og fann allt í einu út að ég ætti skilið verðlaun og keypti mér Þúsund bjartar sólir eftir Khaled Hosseini. Veit ég má ekkert vera að því að lesa skáldsögur en ætla samt að gefa mér tíma fyrir hana.
Var gríðarlega flott á því á laugardaginn var. Fór tvisvar út að borða sama daginn. Fyrst með RopeYoga vinkonum í Gló í hádeginu. Það var löngu ákveðið og var alveg yndislegt. Svo hringdi Auður síðdegis og við fórum og borðuðum á Icelandic Fish and chips. Borðaði alveg dásamlegan steinbít. Mæli sterklega með báðum þessum veitingastöðum. Við Auður skipumst á afmælisgjöfum. Höfum báðar svo annríkt að afmælishald fór fyrir lítið. Hún gaf mér tvær bækur - önnur fjallar um hugsanagang Ítala og hin - æðislegt! -- er matreiðslubók Muminmömmu :) altsvo MuminMammans Kokbok - og það er sko eldað meira en barrnálar á þeim bæ!

Glæpurinn og frústrasjónir

Ég er alveg gargandi frústruð og fúl út í Danina. Þoli ekki þegar handritshöfundar fara svona illa með mann. Hér hangir maður í lausu lofti. Theis í fangelsi fyrir drepa besta vin sinn sem myrti dóttur hans. Og Vagn sjálfur sem ögrar honum til að skjóta. Löggan fær ekki að yfirheyra Vagn - var hann þá raðmorðingi? Eða er hann bara að hilma yfir einhverjum öðrum. ARRRRRG. Ég held þessir a........ Baunar séu að plotta framhaldsseríu. Og ég sný nú bara út úr því sem konan sagði um árið og segi "og hvað verður nú um Pernillu og drengina".
Þá krefst ég þess að fá annan endi og líka betri mynd af gömlu bekkjarmyndinni!

Álfarnir fá lánað

Get svo svarið það... - Mamma sagði alltaf ef eitthvað týndist að álfarnir hefðu fengið það lánað. Núna er yddarinn sem á heima í snyrtibuddunni minni og búin að vera týndur síðan um áramót kominn aftur á sinn stað. Ég er búin að leita í dyrum og dyngjum og mest í téðri snyrtibuddu. Já hérna - ég er orðin sannfærð aftur.

Að gera það sem maður getur

Gott að láta minna sig á svona hluti - þetta kom í fréttabréfi frá Guðjóni Bergmann.

Ekki láta það sem þú getur ekki gert trufla þig frá því sem þú getur gert.
- John Wooden

púha

Loksins búin með vefverkefnið - það er allt of stutt og vantar örugglega einhvern helling í það sem ég bara fatta ekki. En þetta var samt mjög skemmtilegt. Nú er aðalvandamálið að ég þarf að finna umslag til að setja verkefnið í :-) Og svo er vont að hafa ekki aðgang að góðum litaprentara. En svona er það það er ekki allt eins og á er kosið. Núna þarf ég að undirbúa mig fyrir fyrirlestra morgundagsins og ætti eiginlega að finna út um hvað ég á að halda fyrirlestur á miðvikudaginn ... en en - það er bara að taka fyrir einn hlut í einu. En sumsé þetta er eitt fagn! vegna vefverkefnisins og svo er það yfir í næsta verkefni.

Var svona hlýtt í fyrra?

Til að gleðja góðar konur :-).


Var að pæla fyrst hvort þetta væri feik myndband. Þótti veðrið of gott og fólkið of rólegt í tíðinni. Svo mundi ég allt í einu að ég var á Egilsstöðum síðasta sumar og missti af allri blíðunni í Reykjavík.

Tengillinn er eitthvað að fela sig - en það er hægt að kopiera þetta og ná í myndskeiðið svoleiðis. :) http://kvikmynd.is/video.asp?land=&offset=0&id=5472

Gaman í strætó

Fór í strætó í skólann í dag. Er komin í heilsuhóp hjá Rannveigu vinkonu minni og inn í þeim pakka er hálftíma hreyfing á dag - og Rope Yogað dugir ekki til. Það þarf að vera ganga eða e-a svoleiðis. Svo ég sameinaði göngutúrinn strætó og svo verslunarferð á leiðinni heim. En gamanið var á leiðinni heim í strætó. Settist við hliðina á laglegum ungum pilti - ég með útvarpið í eyrunum og ætlaði að hlusta á fréttir. Upp við Kringlu kom félagi piltsins inn og þeir fóru að spjalla. Eitthvað voru þeir að tala um bankarán og Spaugstofuna og ég fór að missa áhuga og einbeitingu á fréttunum þegar kunninginn spurði - var það satt að ykkur vantaði peninga fyrir ljósatíma? Nei - ekki vildi hann viðurkenna það - þeir voru víst orðnir eitthvað tæpir á bensíni drengirnir. Svo hélt hann áfram að ræða afbrotaferilinn sem hafði verið heldur klaufalegur og ég sá að við kunninginn áttum bæði jafn erfitt með að halda pókerfésinu. Enda sagði litli afbrotamaðurinn það rétt áður en ég fór úr strætó að félagar hans gerðu bara grín að honum. Ég vona bara að hann finni fljótlega eitthvað að gera sem er meira á hans sviði. Glæpir eru það greinilega ekki.

Kafsnjór í Reykjavík

Bóndinn lasinn á Egilsstöðum. Þar er bara blíða og snjórinn allur að bráðna. Hér aftur á móti er allt á kafi í snjó. Ætlaði á bílnum í skólann í dag, það var búið að skafa götuna og allt. Fór út horfði á bílinn, hló og sagði við Óla nágranna sem var búin að moka sinn bíl út að ég ætlaði bara í strætó. Viss um að ég hefði verið litlu fljótari að moka Litla Rauð út og ég var að vappa niður í Mjódd. Hitt er annað mál og mun fyndnara að Kópavogsmeginn voru allir göngustígar vel mokaðir, þar til nálgaðist undirgöngin. Og Reykjavíkurmegin var mun verra. Er þetta aðskilnaðarstefna? Tók svo leið 11 til baka og sá risaskafla við Hljómskálann. Ótrúlega flott. Strætó skilaði mér alla leið upp í Mjódd þar sem ég fór og keypti í matinn. Verulega flókið að komast frá Mjóddinni - yfir bílastæðið og í átt að undirgöngunum. Ganga eftir bílatroðningi milli hárra snæfjalla og finna troðning yfir ruðning þar sem hann var lægstur. Gríðarlega spennandi en er þó fegin að veturinn hér fyrir sunnan er yfirleitt frekar stuttur.

Hvaða ávöxtur hvað?

You Are a Strawberry

You are friendly, outgoing, and well liked by many people. You are popular, but there's nothing you ordinary or average about you. You a very interesting person, and you have many facets to your personality. Sometimes you feel very conflicted. Your different sides of your personality pull at you. You are a very sensual and passionate person. You are fiery... you can't help it. In general, you keep your passionate side under wraps. You are only wild in private.

What Type of Fruit Are You?

Bolludagur og bíóferð

Langur dagur í dag - byrjaði á að bóka tíma í endnote uppi í Hlöðu. Bráðnauðsynlegt að læra á þetta. Ekki er ég búin að fatta hvernig ég á að stilla þetta svo það skrái íslenskar heimildir rétt. Svo fyrirlestur hjá Ágústu sem endaði með heimsókn á bókasafnið í Norræna húsinu. Alltaf gott að koma þangað. Borðaði aðra bollu dagsins í kaffistofunni þar. Hún var verulega góð miklu betri en sú fyrsta :-). Svo var að það læra að skrá í Gegni - veit ekki hvað sú viska dugir lengi. Það var farið mjög hratt í hlutina. Þá var það lyklun - ég fékk frest á að skila verkefninu :-(. Var ekki alveg búin. En svo - ég er orðin rosaflink - fór ég með æskuvinkonum mínum að sjá Duggholufólkið. Skemmtileg ævintýramynd - fékk góða gæsahúð stundum. Vel gert og krakkar, lamb og hundur léku einkarvel. Landslagið og myndatakan skemmdu ekki myndina.

Canfield og Ívanov

Fór og hlustaði á Jack Canfield í Háskólabíói í gær. Undraðist að salurinn væri ekki fullur. Náunginn er flottur og góður fyrirlesari. Æddi svo heim, skipti um föt og fór í Þjóðleikhúsið að sjá Ívanov. Gaman að fara í leikhúsið, langt síðan ég hef séð eitthvað á aðalsviðinu. Mæli með sýningunni, það er náttúrlega afburðafólk sem stendur að henni og sviðsmyndin er snilld. Hlakka til að fara í bíó og sjá Brúðguman - sumsé Ívanov í íslensku nútímaumhverfi.

Bíóferð á miðvikudegi

Fór í bíó með saumaklúbbsystrum mínum í gær. Við sáum Death at a Funeral. Ég fíla breskan svartan húmor í tætlur og mæli með þessari mynd. Fórum svo heim með Bryndísi á eftir og fengum dásamlegan kjúklingarrétt - með tómötum, olívum og fetaosti og hefðbundna syndsamlega saumaklúbbstertu á eftir. Í dag ætlaði ég svo að hitta gamlar starfssystur í Hámu, en það var illa mætt - eins gott því Háma var stappfull af fólki og erfitt að fá pláss.

Bókalestur

Ég ætlaði rétt að kíkja í Bíbí eftir Vigdísi Gríms meðan ég borðaði kvöldmatinn. Núna er klukkan 22.30 og ég búin með bókina. Fattaði að ég gleymdi að starta þvottavélinni, hef ekki litið á námsefnið sem ég ætlaði að lesa í kvöld og hef trúlega líka gleymt að anda. Suss. Bót í máli er að ég kem ekki ólesin í bókaklúbbinn á föstudaginn.

Bókasafnið þitt á netinu

Sat í nokkra tíma uppi á Þjóðarbókhlöðu í dag og skoðaði útdrætti í fræðigreinum. Fann mjög skemmtilegar greinar í Náttúrufræðingnum og Sögu. En þegar ég var búin að því kíkti ég á norska bókasafnblaðið og rakst á snildarhugmynd. Bókasafnið mitt á netinu.
Það er meira að segja búið að íslenska síðuna að hluta en ekki hægt að beintengja við íslenskar bækur ennþá því miður. - Ég held samt maður geti það handvirkt. En slóðin er http://is.librarything.com. Svo skemmtilegt.

Þurfum líka mótgang

Jim Rohn er snillingur. Hann sagði "Life is part positive and part negative. Suppose you went to hear a symphony orchestra and all they played were the little, happy, high notes? Would you leave soon? Let me hear the rumble of the bass, the crash of the cymbals, and the minor keys."
Maður yrði hundleiður ef það væri bara hamingja og gleði, sól og blíða. Gott að láta minna sig á svona hluti þegar verkefnafarganið hellist yfir mann og Kuhlthau-heilkennið blómstrar.

Sænskar spennubækur

Kláraði að lesa Stieg Larsson á föstudagskvöldið. Fékk þriðju og síðustu bókina lánaða í Borgarbókasafninu. Fór og skilaði einni skólabók í Kringlusafnið og álpaðist líka til að gá hvort þessi bók væri til. Jú - hún var það - en bara niðrá aðalsafni. Ég ákvað að lengja jólafríið ... og æddi niðreftir. Fann hana ekki, fékk aðstoð bókasafnfræðings sem hafði líka fallið fyrir þessum höfundi. Hún leitaði og leitaði og fann bókina loks á bak við. Þetta kennir manni að það borgar sig að spyrja. Jú - þriðja bókin var líka rosafín. Ofboðslega spennandi. Svo bætti ég við með meiri afþreyingu og horfði á Wallander í Sjónvarpinu. Lá svo og hugsaði um áður en ég fór að sofa - hvers vegna í ósköpunum fólk - bæði börn og fullorðnir - er svona duglegt við að "mobba" og passa upp á að sumum sé haldið fyrir utan hópinn og þeir teknir í gegn. Andstyggilegur eiginleiki í mannskepnunni.

góður punktur

People often say that motivation doesn't last.
Well, neither does bathing-that's why we recommend it daily.

Zig Ziglar

Gullni áttavitinn og verkefnastúss

"Perseverance is the hard work you do after you get tired of
doing the hard work you already did." -- Newt Gingrich
Er að basla við að gera verkefni fyrir Landsbókasafnskúrsinn - 4.000 orð eru rosalega mikið og við finnum ekkert ægilega mikið um EDL verkefnið ... En við þrjár sem vinnum saman af þessu erum náttúrlega snillingar og ég veit að þetta verður allt sára gott hjá okkur.
Tók pásu og fór í Háskólabíó klukkan 5.30 og sá Gullna áttavitann. Fannst verulega skemmtilegt. Mér fannst Lýra alveg passa við þá mynd sem ég hafði gert mér af henni. Þori alveg að mæla með þessari myndi fyrir alla - kannski ekki mjög unga krakka en alla hina.

nýtt nafn? - held ekki

Your Hippie Chick Name Is:

Solstice

Hippie Chick Name Generator

Jólakötturinn og skörp áhöld

Síðasti sjens að setja inn mynd af jólakettinum. Hann vakir hér yfir öllu þegar komið er inn á Egilsstaði. Grimmdarlegur. Ég slapp við hann í ár. Bóndi minn reddaði sem sé málunum á síðasta augnabliki. Hef haft það alveg dásamlegt um jólafríinu - en alveg tilbúin að byrja í skólanum. Vona bara ég fá gott flugveður á mánudaginn.
Las í fyrradag Beitt áhöld – Sharp objects - eftir Gillian Flynn. Hryllileg bók – ég varð þunglynd af því að lesa hana.
Þetta er sálfræðileg spennusaga – allir eru meira og minna brenglaðir í henni. Mæli með henni ef fólk langar í almennilega dýfu en annars ekki. En annars þýðingin - hefur einhver heyrt talað um mjólkuregg? Fann einhversstaðar annars staðar sérkennilega þýðingu – orð sem ég hafði aldrei séð áður en man ekki hvað það var. Maður á að punkta svona niður strax.

Myrkrið á Egilsstöðum

Það er sko búið að vera fjör hér fyrir austan. Brjálað rok og rigning og snjórinn nær allur horfin. Fjörið byrjaði rúmlega fjögur á því að Grísinn byrjað að væla fyrir utan. Hann ruggaði eins og skip í stórsjó og danska þjófavarnarkerfið hélt að Kári væri að reyna að brjótast inn. Varð að vekja bóndann sem hafði falið bíllyklana. Hann þaggaði niður í Grísnum og fékk því styttri svefn en hann hafði gert ráð fyrir. Stuttu seinna varð rafmagnslaust en bara stutt. En það fór aftur um klukkan 6. Bóndinn fór út í myrkrið klukkan 7 til að fara í vinnuna. Kom aftur hálftíma seinna og sagði ekki ferðafært en það ætti að reyna að fara klukkan 9. Verð nú bara að segja að ég var feginn - leist ekkert á Fagradalinn í þessu líka veðri og færð. Klukkan 10 var hringt og sagt að það yrði ekkert farið. Þá var rafmagnið komið og við höfðum stokkið á að hita kaffi og mat. Við fengum kaffi - en maturinn varð bara volgur því rafmagnið fór fljótt aftur. Rokið var svo rosalegt að maður fann hvernig gólfið titraði í hviðum. Svo var svartamyrkur nema græn dularfull birta barst frá flugvellinum og svo lýstu bílljósin upp og sýndu hvernig rigningin spíttist lárétt eftir götunum. Svaka fjör - en ég er feginn að hafa ekki þurft að fara út.

Vantar bók númer 3

Kláraði Pigen der legede med ilden i gær. Sem sé bók 2 eftir Stieg Larsson. Fannst hann fara hægt af stað. Þurfti að kynna svo marga til sögunnar. En þegar hann fór af stað þá var erfitt að sleppa bókinni. Nú vantar mig bara númer þrjú. Labbaði upp í bóksafn og sankaði að mér helling af bókum sem ég ætla að kíkja á - en þar var bara til fyrsta bókin í seríunni. Bóndinn er á næturvakt svo ég verð að vera stilt heima á daginn og get vakað lengi og lesið á nóttinni. Það er gríðarlega fallegt hér - snjór yfir öllu en alvega hrikalega launhált - og mannbroddarnir fyrir sunnan.

Karlar sem hata konur

Búin með fyrstu bókina af þremur eftir Stieg Larsson - á dönsku - hún heitir Mænd der hader kvinder. Mæli með henni - en nauðsynlegt er að taka fram að það er ekki ráðlegt að byrja á henni nema maður hafi góðan tíma og þurfi ekki að sinna nauðsynjaverkum eins og að sofa og fara í vinnuna. Tékkaði og fann út að Bjartur hefur útgáfuréttinn. Treysti því þeir setji frábæran þýðanda í verkið og komi bókunum fljótt út. Má ekki vera að því að blogga meira - bók 2 bíður. En hér er sænskur linkur fyrir áhugasama.

Jóladagur

Mig langaði þvílíkt í heitt súkkulaði með rjóma í dag. Ein heima því bóndinn var að vinna og ég að lesa skemmtilega bók eftir Stieg Larsson. Það er fimbulkuldi í þeirri bók og kannski ástæðan sem kveikti á súkkulaðilönguninni. En þó - þegar ég loksins kom því í verk að ná í kakómaltdunkinn og brugga mér súkkulaðilíki með ís úti - og ég fann bragðið mundi ég að hefð mín til þessa á jóladag var að fara til móðursystur minnar og drekka heitt súkkulaði úr forláta bláum postulínsbollum. En - síðustu jól var í síðasta skipti. Veit ekki einu sinni hvert bláu bollarnir fóru.

Þorláksmessa

  Fyndið að eiga heima á tveim stöðum. Fékk það í mig í dag að ég yrði að baka. Meina það - við eigum sko nóg að borða og þurfum engar kökur. En matreiðslu- bækur eru á hinum staðnum og fann ekkert sem passaði á netinu. Hvað gera konur þá - jú - þær skálda kökur. Bakaði tvær tegundir - uppistaðan í annarri var haframjöl og hinni kornflex. Lukkuðust bara vel. Gaman að svona.
Vökuðum seint í morgun. Varð furðu slegin, það var allt orðið hvítt úti. Bóndi minn ákvað á miðjum degi að hann vildi skreppa niður á Reyðarfjörð. Ég auðvitað með - skíthrædd - hálkuhrædd og vitlaus - en þetta gekk alveg ljómandi enda maðurinn einstakur bílsstjóri. Vona að þið hafi það jafn gott og ég í jólaundirbúningum.

13 sagan

Hef haft það alveg yndislegt - flaug austur í fyrradag. Daginn eftir síðasta próf. Gekk frá heima, náði í internetverkefni 2 - renndi í fljótheitum yfir athugsemdirnar og skutlaði mér upp í flugvélina. Það er gott að fá góðar athugasemdir við verkefnin því það hjálpar manni við að gera betur næst. En ég verð að viðurkenna að mér hefði þótt betra að fá þetta fyrr. En ég er sem sagt á Egilsstöðum núna. Fékk yndilega flugferð. Dásamlegt útsýni yfir eystri hluta hálendisins, Herðubreið er ekki beint ljót úr lofti. Svo var sólarlagið alveg ótrúlega fallegt þegar við nálguðumst Egilsstaði. Fór svo út að labba í gær - það var nánast sumarveður, yndislegt og milt. Í dag er aftur á móti miklu kaldara og komið frost.
Við þurfum lítið að jólast svo ég hef haft það verulega huggulegt og lesið 13. söguna sem ég mátti ekki vera að lesa í vetur með bókaklúbbnum mínum. En það er um þá bók að segja að ég hefði verulega gaman að henni. Höfundurinn skammast sín ekkert fyrir að hafa lært af viktoríönskum höfundum og mér finnst ég líka sjá eitthvað frá Daphne du Maurier enda byggir hún jú líka á Jane Eyre eins og þessi - eða þannig. En 13. sagan - mér fannst stöllur mínar í bókaklúbbunum ekkert allt of hrifnar af bókinni. En ég er hrifin - og gríðarlega ánægð með að hafa geta legið í henni. Næsta verkefni í bókaheiminum er að lesa Stieg Larsson. Steinunn vinkona lánaði mér tvær bækur eftir hann á dönsku. Hlakka óskaplega til - en verð að treina mér þær. Þær verða að duga öllu jólin. Á ekkert meira að lesa.

the gap

Ég er að sjá það núna - og trúi því að ég hafi lesið það áður - allvega er svoleiðis merkt við í bókinni - að það sé mjög mikilvægt bókasafns- og upplýsingafræðingum að hafa gott minni. Mér rennur kalt vatn milli skinns og hörunds. Ég held ég sé á rangri braut ...

Eitt próf frá

Lifði af Upplýsinga og skjalastjórnarprófið - en klúðraði því nánast vegna fljótfærni. Hélt ég mætti velja á milli 3a og 3b eins og mátti í 2a og 2b. Ég get verið alveg ótrúlega fljótfær og illa læs svona á stundum. Nú fer ég bara í bað eða eitthvað til að skola út þessari visku og eiga pláss fyrir næstu sem er þekkingamiðlun.

úha heimapróf á morgun

Búin að lesa allar glærur og skoða allt sem ég get skoðað fyrir prófið á morgun. Fékk svo póst frá Önnu að það mætti ná í einkunnir fyrir verkefni 2. Það verður allavega ekki gert á morgun ;-) og spurning hvort maður eigi að leggja það á sig fyrir prófið á miðvikudaginn. Svona ef manni hefur gengið illa - reyndar líka ef manni hefur gengið vel - það eyðileggur einbeitinguna. Jam - kannski best að fara að sofa - þarf allan þann kraft sem til er á morgun. Hósta eins og rolla - gott að vera í einangrun og trufla ekki hina.

Heimasíðan flogin

Good habits are as easy to form as bad ones segir maður sem heitir Tim McCarver og ég veit ekkert meira um. Er að reyna að laga vondu siðina. Var að senda Önnu slóð á heimasíðuna mína - 5 dögum fyrir skilalok. Stolt af mér. Er nefnilega að berjast við frestunaráráttu. Held alltaf að ég geti lagað eitthvað pínulítið meira og bíð alltaf fram á síðasta augnablik. En núna er heimasíðan floginn og líka flokkunarverkefnið. Ekki hægt að breyta meiru.
Núna er bara að lesa og muna og lesa og muna og lesa og muna og geta svo komið því frá sér á skilmerkilegan hátt.

þá veit maður það

Your Brain is 53% Female, 47% Male

Your brain is a healthy mix of male and female You are both sensitive and savvy Rational and reasonable, you tend to keep level headed But you also tend to wear your heart on your sleeve

What Gender Is Your Brain?

Föndur í skólanum

Að hamast við að föndra og púsla - það er gaman að vera í háskólanámi og fá að leika sér svona. Reyndar þótti mér ekki í gaman þegar ég var að berjast við hausinn á heimasíðuverkefninu. En ég held ég sé búin að leysa málið. Það kemur væntanlega í ljós á morgun. Svo er ég að leggja síðustu hönd á dagbókarverkefnið. Óttast bara að það eigi að vera eitthvað fræðilegra t.d. ætli það eigi að vera listi með heimildum?

Lenti í smá hálkuæfintýri í dag. Þurfti að skreppa í búð og fór á bílnum. Kom við á leiðinni heim hjá vinafólki sem á heima í húsagötu í laaangri brattri brekku. Bakkaði út úr stæðinu og ætlaði upp brekkuna - nix - Litli rauður bara harðneitaði og í restina þurfti ég að fara neðst í götuna - þar er slétt - og fara upp á jöfnum hraða. Sem betur fer var enginn að koma eftir aðalgötunni svo ég þurfti ekki að stoppa þar. Kann einhver trix að taka af stað á klakabúnka í brekku?

Prófin nálgast

To fear is one thing. To let fear grab you by the tail and swing you around is another.
Katherine Paterson - Heilræði af þessari síðu.

Gott að muna þegar maður liggur með í rúminu á kvöldin og finnur hvernig skelfingin hellist yfir mann - prófin nálgast óðfluga - svona mörg verkefni eftir og svooo mikið ólesið.

Verkefnafargan og rútuævintýri

Varð að skreppa út og standa upp frá skjalaflokkunarverkefninu. Ákvað að fara í Smáralindina og fá mér cappucino - fékk hláturskast á leiðinni. Það var þvílíkt umferðaöngþveiti í kringum Smáratorgið að það var alveg ævintýralegt. Skil þetta ekki. Venjulega greint fólk í útlöndum skipuleggur svona risaverslanasvæði einhversstaðar fyrir utan bæinn, þar sem er nóg pláss fyrir bíla og bílaumferð, ekki inn í miðju íbúðarhverfi. Ekki er verið að byggja þetta fyrir nágrannana - þeir komast ekki einu sinni yfir götuna.
Bóndi minn lenti í ævintýri í gærkvöld. Rútan sem átti að flytja hann heim úr vinnunni fauk út af veginum upp á Fagradal í roki og glærahálku. Og ekki bara það - heldur líka á stað þar sem ekkert símsamband var. Það þurfti að bíða eftir því að það kæmi bíll framhjá til að komast í samband við umheiminn og ná í aðstoð. Svo kom björgunarsveitarbíll og skutlaði þeim heim. En rútan varð eftir fyrir utan veg, því það var ekkert vit að hreyfa hana fyrr en lægði.

Syðri-Á og smá strætótuð

Fór og hlustaði á Drengina frá Syðri-Á í Iðnó í dag. Dásamlega skemmtileg tónlist og fyndnir textar. Söngarinn var reyndar dálítið mikið hás og rámur en kva ... hann var verri í útvarpinu í gær. :) Dró með mér vinkonu mína sem skemmti sér jafnvel og ég.
En - ég tók strætó í bæinn - leið 24 í Kópavogi sem á að hitta leið 3 niðrí Mjódd. En - en aumingja strætóbílstjórarnir lenda víst alltaf í þvílíkri klemmu niður við Smáratorg að svoleiðis skipulagning gengur ekki á annatímum. Þegar minn strætó kom í Mjóddina þá var þristurinn farinn fyrir 8 mínútum. Það þýddi rúmlega 20 mínútna bið eftir næsta strætó. Skil hugmyndina á bak við að allir bílarnir séu skipulagðir á sömu mínútunni á skiptistöðinni en rosalega fúlt þegar það mistekst. Fullt af fólki í strætó - á miðjum laugardegi.

Syðri-Á og verkefninu lokið

Skilaði verkefninu í dag - með asnalegum heimildalista. Og þegar ég kom heim og var að taka til á borðinu mínu fann ég blað þar sem ég hafði í upphafi teiknað niður hvað ég ætti að gera í verkefninu. Og þar stóð .... meta matslistann. DOH. En en gert er gert og það gengur bara betur næst.
Langar í Iðnó á morgun og hlusta á South River Band eða Drengina frá Syðri-Á (í tilefni dagsins). Útgáfutónleikar. Verður örugglega svakalega skemmtilegt. Heyrði í þeim á Rás 2 í dag - ekta stuðband. Og svo ef maður kaupir diskinn þeirra renna aurarnir til góðs málefnis.

Heimildalisti flóknari en Moggakrossgáta

Er alveg komin í flækju í smíði heimildalista. Á bara hann eftir og forsíðuna. Hlýt að klára mig af forsíðunni - en að heimildir geti verið svona mikið torf er ofar mínum skilningi.

Verkefnin

Skemmtilegir þessir sunnudagar. Skutlaði bóndanum út á flugvöll í morgun og síðan er ég búin að sitja og brjóta heilann yfir internetverkefninu. Verst að maður efast alltaf um hvort valið hafi verið skynsamlegt, hvort maður sé að gera þetta rétt og hvað sé nóg. Flokkunarverkefnið verður bara að bíða til fyrramáls eða eitthvað. Var búin að kíkja á það - ekki bara einu sinni heldur tvisvar og fékk enga vitrun. Gaman að vera námsmaður. En en - danskur spennuþáttur í kvöld - þá verður tekin pása. Gott að hafa gulrót.

Lýst eftir endurskinsmerkjum

Fór í morgun á bráðskemmtilegan fyrirlestur hjá doktor Páli Hreinssyni um "Áhrif laga um persónuvernd og meðferð persónuupplýsinga; ... " Bráðskemmtilegan - jam alveg rétt - honum tókst að gera þetta mjög áhugavert.
En - það var ekki það sem er kveikjan að blogginu. Þar sem ég var á leiðinni, akandi í rigningu og myrkri, þá snarstoppaði bíllinn fyrir framan mig - og afhverju - jú lítið barn á leið í skólann skaust yfir götuna fyrir framan hann. Og það var ekki endurskinsarða á litla stýrinu! Hvað eru foreldrar að hugsa - er þeim illa við börnin sín?

brabra

Yndislegur dagur. Byrjaði á að SAMbýlismaðurinn keyrði mig til Kate þar sem við unnum samviskusamar að verkefni 5 í Upplýsinga- og skjalastjórn, alveg frá 10 til 16 - með örfáum matar- og kaffipásum á milli. Fór svo í strætó upp í Gló í Listhúsinu og hitti þar nokkrar konur sem voru með mér á RopeYogakennarnámskeiðinu. Yndislegt að hitta þær aftur. Svo var ég keyrð í Kópavog þar sem mér og mínum var boðið í kvöldverð hjá vinafólki okkar. Og kvöldverðurinn var ekki af verri endanum! Pekingendur eldaðar að suðurfrönskum hætti. Algjör snilld - nánast jólamatur. Og það á venjulegum miðvikudegi. En svona er það, allir slá upp veislu þegar Björninn kemur í bæinn. Auðvitað :). Og lægð gærdagsins er liðin hjá - ójá.

ójá - svona er lífið stundum

óreiðan í kollinum

Hæ stelpur - þarna er fullt af skemmtilegum könnunum. En ég slapp betur frá þessari en ég hefði haldið fyrirfram. :)

Your Mind is 54% Cluttered

Your mind is starting to get cluttered, and as a result, it's a little harder for you to keep focused. Try to let go of your pettiest worries and concerns. The worrying is worse than the actual problems!

How Cluttered is Your Mind?

flokkunarbull

Svekkt yfir flokkunarverkefninu - of margar villur - eins og maður lagði rosalega vinnu í það. Enn annars allt bara yndislegt. Lifði af þekkingarverkefnið í dag og bóndinn kominn heim og ætlar að vera í viku. Gott þegar fjarbýlismaðurinn breytist í sambýlismann. En hafið þið heyrt hvað sagt er um svona sambönd? "Þau fljúgast bara á". ... Góður eða hvað?

Enn eitt testið

Þetta ævintýradýr var svo flott að það er í lagi að setja þetta inn - en testið um andlega aldurinn var fullkomlega út kú svo það verður ekki birt hér (en ég glotti í laumi).

	Hvilken fantasiskapning er du?
	Mitt resultat: Pegasus Du er eventyrlysten og positiv. Folk vil henge med deg fordi du er det mest vidunderlige som finnes! Man kan alltid stole på deg.
	Ta denne quizen på Start.no

Verkefni prentað út

Búin að prenta út nokkur eintök af öðru verkefni morgundagsins og senda Óskari hitt. Flokkunarverkefnið var hrikalega snúið. Spennandi að vita hvað er rétt í því. Ekki búin að fara út fyrir hússins dyr í dag. Vont mál. Maður verður að gefa sér tíma til að fara út og anda.

Verkefnið

Ég er haldin þvílíkum verkkvíða að það hálfa væri nóg. Búin að lesa Fréttablaðið í morgun. Skanna vefsíður og og ... Ætti ég ekki bara að fara að koma mér að því að skrifa kynninguna? Ég meina það bara.

Litli Rauður í vetrarskóm

Var á harðaspani í morgun. Byrjaði á að fara í krabbameinsskoðun sem er alltaf frekar hvimleið athöfn en það bjargar því að þarna vinnur bara yndislegt fólk. Svo spíttist ég um Kópavog í ýmsum erindagjörðum. Mætti samt á réttum tíma í fjarfundafyrirlestur niðri í íþróttahúsi HÍ. Mjög flókið að komast þangað - bara hægt frá Suðurgötunni. Mikið verður gott þegar þessum framkvæmdum á Háskólalóðinni lýkur. Þó það sé náttúrlega alltaf gaman að kíkja á sæta kalla. :) En ég held það sé brýnt fyrir HÍ að bæta fjarfundabúnaðinn sinn. Þetta er allt of flókið.
Já og eftir fyrirlesturinn fór ég og lét setja vetrardekkinn undir bílinn. Beið í næstum klukkutíma í biðröð og lét Rás 2 og Guðna Má stytta mér stundir. En rosalega er nú gott að vera búin að koma þessu í verk.

U&S Verkefni 5

Fengum frábærar móttökur í fyrirtækinu sem við heimsóttum í dag. Fengum nógan tíma til að spyrja og flottar upplýsingar. Og fengum að skoða aðstöðuna líka. Þarna var líka allt í fínu lagi - við verðum að finna einhvað að gagnrýna - eða hvað?

Haustkvefið mætt

Vaknaði með hausverk og stíflað nef. Og við sem erum að fara í okkar fyrsta rannsóknarverkefni. Eigum að taka viðtal. Voða spennandi að vita hvernig alvörufyrirtæki sjá um sín skjalamál. Ætlum fyrst á Maður lifandi og borða súpu.

Verkefni í skólanum

Nýja verkefnið er að við eigum að blogga. Ég dundaði mér við að reyna að breyta templatinu - útlitinu - og bætti við tenglum - kannski ég setji þarna fleiri innan skamms. Við sitjum hér og klórum okkur í kollinum um hvað skuli gera og reynum náttúrlega að gera enn betra en okkar besta.

Sjálfsálitið lagast

Gott að fá smá búst á sjálfsálitið sem hefur verið hálfdapurt í þessari verkefnatörn.
En ég man greinilega vel sumar bækur sem mér þótti góðar. :)

	Hva kan du om Brødrene Løvehjerte?
	Jeg hadde 11 av 11 riktige
	Ta denne quizen på Start.no

Gaman að svona

You are The Wheel of Fortune

Good fortune and happiness but sometimes a species of
intoxication with success

The Wheel of Fortune is all about big things, luck, change, fortune. Almost always good fortune. You are lucky in all things that you do and happy with the things that come to you. Be careful that success does not go to your head however. Sometimes luck can change.

What Tarot Card are You?
Take the Test to Find Out.

ekkert óánægð með þetta

Skemmtileg könnun - um Múmínálfana - ég er alveg sátt við að vera litla Mí - en Snúður er reyndar uppáhaldið mitt.

	Hvem er du i Mummidalen?
	Mitt resultat: Lille My Du er Lille My! Du elsker spenning og er veldig rampete. Du er også veldig direkte og sier ofte ting rett frem uten å tenke over hvem du kan såre.
	Ta denne quizen på Start.no

Ég er orðin verulega hundleið á þessari gluggaskreytingu

Bráðnauðsynlegt

Fann þetta í Fréttablaðinu í dag - og mætti þetta koma sem víðast - sem fyrst! ;)

þessi var betri

Your Travel Personality Is: The Adventurer

For you, travel is how you learn about the world. And you like to learn the stuff that's not in guidebooks. You truly have wanderlust. When you're not traveling, you're dreaming about where you'll go next. And your travels are truly legendary - they leave you with stories you'll be telling for the rest of your life!

What's Your Travel Personality?

undarlegur misskilningur

Tók þetta test - en það er Bjössi sem er hrútur ekki ég!

Your True Sign Is Aries

Daring Friendly Energetic Risk Taking Dynamic Daredevil Always on an Adventure Without a Care in the World Quick-Witted and Quick-Tempered

What's Your True Sign?

Leysinginn

Í dag er 16 apríl. 16 dagar síðan Ríkisútvarpið varð ohf og 17 dagar síðan ég hætti að vinna. Hef aldrei haft jafn mikið að gera - og mikið rosalega er gaman. En ég finn það þegar ég kem í vinnuna að þar er ennþá gott að vera. Var á fjögurra daga Rope yoga kennaranámskeið um helgina. Það var alveg dásamlegt - yndislegt fólk á námskeiðinu og gott að vera í Listhúsinu. Á föstudaginn var kveðjupartí fyrir mig og nokkra aðra í vinnunni. Það var gríðarlega gaman, skemmtiatriði og ræður og sumar alveg bráðfyndar. Mætti samt ótrauð á kennaranámskeiðið klukkan 7.30 morguninn eftir - og fór þann dag í gegnum þrjá æfingar í reipum, flæðiæfingar og öndunaræfingar. Fann ekki fyrir þreytu fyrr en þetta var allt búið og ég á leið heim. Var komin í rúmið klukkan 21. En vaknaði eldhress morgunin eftir og áfjáð að læra meira.
Var á Austfjörðum frá 31. mars til 10. apríl. Vorum á opnunarhátíð hjá Alcoa og árshátíð um kvöldið. Buff spilað, gátum dansað allt kvöldið. Fékk ýmislegt veður á Austfjörðum. Gengum út í páskahelli á Norðfirði þann 1. apríl og fengum sólskin og logn og yndilega kyrrð þar. Fluttum okkur svo til Fáskrúðsfjarðar og gistum þar í góðri íbúð um páskana. Þar upplifði ég 20 stiga hita í algjörri blíðu og svo snjóaði næstu þrjá daga á eftir. En samt var ekki kalt. Kallarnir voru að veiða þarna inni á firðinum fyrir páska og rótuðu upp feitum og fallegum þorski og urðu svo að stoppa út af pásknum. Fiskurinn gengur víst alveg inní fjarðarbotn svona á vorin.

Vitur maður sagði:

'I will take care of me for you if you will take care of you for me.'
Jim Rohn

talnalangavitleysa

Sat yfir bókhaldi í dag - mikið skelfing er erfitt fyrir óvana að reyna að koma heilanum ísvona gír. Setti eggjaklukkuna á klukkutíma og sat við. Það svínvirkar. Tók tvo tíma í morgun. Þarf svona fjóra í viðbót þá ætti að vera komið eitthvað skikk á þetta. Þetta ætti að kenna mér að gera þetta reglulega - allavega einu sinni í mánuði.

penelópukviða

Var að lesa Penelópukviðu eftir Margréti Atwood í góðri þýðingu Sigrúnar Á. Eiríksdóttur.
Þar er m.a. þessi staka:
Ef húsfreyjan er löt og lúin
löstum fyllast duglaus hjúin,
stela, drekka og sofa hjá,
spillist þræll ef allt hann má.

HM - ég hef enga þræla nema mig ....

og hvar var �a� svo aftur?

og alltaf kemur maður sjálfri sér á óvart - ég bæði mundi logginnið og leyniorðið - kannski minnisnámskeiðið sem ég er á sé að virka. Snillingurinn sem setti námskeiðið saman segir að allt sé þarna inni - bara í einni bendu - maður þurfi bara að setja allt í fæl og muna hvar fælarnir eru. Held nú ég hafi heyrt þetta áður. En sumt þarf maður að heyra oftar en einu sinni og oftar en tvisvar. Markvert í dag - bókaði ferð til Lundúna eftir 7 vikur. Hlakka mikið til - en ég þarf að vera rosalega dugleg þangað til. Gott að hafa góða gulrót dinglandi.